Latest update ~ 08þ June 2009

Ic eom weorð werum,     wīde funden,
brungen of bearwum     ond of bēorghleoÞum,
of denum ond of dūnum.     Dæges mec wǣgun
feÞre on lifte,     feredon mid liste
under hrōfes hlēo.     Hæleð mec siÞÞan
baÞedan in bydene.     Nū ic eom bindere
ond swingere,     sōna weorpe
esne tō eorÞan,     hwīlum ealdne ceorl.
Sōna Þæt onfindeð,     se Þe mec fēhð ongēan
ond wið mægenÞisan     mīnre genǣsteð,
Þæt hē hrycge sceal     hrūsan sēcan,
gif hē unrǣdes     ǣr ne geswīceð.
Strengo bistolen,     strong on sprǣce,
mægene binumen,     nāh his mōdes geweald,
fōta ne folma.     Frige hwæt ic hātte,
ðe on eorÞan swā     esnas binde,
dole æfter dyntum     be dæges lēohte.

Updates to this site will be published soon.

In the meantime, have you worked out the above?